ИИМдин Мамлекеттик адистештирилген күзөт кызматынын башчысы Талантбек Исаевке карата козголгон кылмыш иши жабылды.

“Исаев 2011-жылы “Манас менеджмент” жеке ишканасында иштегендиги “Укук коргоо органдары”  тууралуу мыйзамдын талаптарына каршы келбейт. Ага пайызсыз насыя жеке компания тарабынан берилгендиктен бул мыйзам бузууга жатпайт”, – деп жазылат маалыматта.

Белгилей кетсек, жакында эле УКМК тарабынан Талантбек Исаевге карата Жазык кодексиндеги “Кызмат абалынан кыянаттык менен пайдалануу” беренеси менен кылмыш иши ачылган.

Атайын кызмат сотко чейинки өндүрүш иши Исаевдин 2011-жылы “Манас Менежмент” компаниясында иштеп турган учурдагы каржылык маселеге байланыштуу иликтенип жатканын билдирген.