Таласта мал уурдоого шектелип эки адам кармалды. Бул тууралуу облустук милициядан билдиришти.

Маалыматка ылайык, Айтматов районунда эки жарандын малы жоголгон. Бириники 3-ноябрга караган түнү 4 кою, экинчисиники 1-декабрга караган түнү 4 баш кою уурдалган.

Аталган факт боюнча “мал уурулук” фактысы боюнча кылмыш иши козголгон.

Иликтөө иштеринин натыйжасында шектүү катары 54 жаштагы О.К. жана 26 жаштагы М.Б. аттуу жарандар кармалган. Алар тергөө аяктаганга чейин 2 айга камакка алынган.

Учурда алардын башка уурулук иштерине катыштыгы текшерилүүдө.