Талас районундагы «Беш-Таш» мамлекеттик жаратылыш паркына узундугу 1 чакырым 380 метрди түзгөн асма жол курулат. Аны куруу үчүн Кытайдын «Zumsun» компаниясы менен келишим түзүлдү. Бул тууралуу президенттин Талас обулусундагы ыйгарым укуктуу өкүлү Эрмат Жумаев билдирди.

Долбоорго ылайык, курулуш иштери июнь айында башталат. Ошондой эле паркка айнектен жасалган байкоо аянтчалары, кафе-ресторан жана «A-frame» үлгүсүндөгү үйлөр салынат.

Мындан тышкары КРдин Транспорт министрлиги тарабынан Талас шаарынан «Беш-Таш» жаратылыш паркына чейинки 20 чакырым жолго асфальт төшөлөт. Өкүлчүлүк келечекте аталган паркта зиплайн жана родельбан орнотуу пландалып жатканын кошумчалады.