Казакстандын биринчи президенти Нурсултан Назарбаевдин Талдыкоргандагы эстелигин талкалаган жаңы кадрлар пайда болду.

Митингчилер эстеликти бузуп, бөлүктөргө бөлүп гана тим болбостон, анын бир бөлүгүн административдик имаратка алып келип, мойнунан жипке асып коюшкан.

Видео Казакстандагы массалык нааразылык акциялары учурунда тартылган. Демонстранттар менен коопсуздук күчтөрүнүн ортосундагы эң айыгышкан салгылашуу Алматы менен Алматы облусунда болгон. Кийинчерээк казак бийлиги башаламандыктарды атайын даярдалган чет элдик террористтердин арасынан куралган топтор уюштурганын билдирген. Бул версияны ЖККУга кирген өлкөлөрдүн лидерлери да ырасташты.