17-ноябрда Тажикстандын футбол боюнча курама командасы Кыргызстандын курама командасы менен өтө турган кезектеги беттешин өткөрүү үчүн Бишкекке келди.

Кыргызстандын Футбол федерациясы билдиргендей, бугүн, 18-ноябрда эки команданын машыктыруучулары журналисттер үчүн маалымат жыйын өткөрүшөт.

Белгилей кетсек, Кыргызстан менен Тажикстан  2022-жылы Катарда өтө турган дүйнө чемпионатына тандоо оюндарынын алкагында беттешет.

Оюн 19-ноябрда, Бишкектеги Дөлөн Өмүрзаков атындагы стадиондо саат 20:00дө башталат.

14-ноябрда Кыргызстандын футбол боюнча курама командасы  Жапония курамасына 0:2 эсебинде утулду.