Бишкекте жаңы көп функционалдуу комплекстин курулушуна капсула салуу аземи өттү. Долбоор боюнча үч мунарадан турган 21 кабаттуу имаратты куруу каралган. Комплексте 550дөн ашык унаа үчүн унаа токтотуучу жай болот.

Комплексти «Бета Инсаат Ятырымжылык» ишканасы ишке ашырып жатат. Министрлер кабинетинен билдиришкендей, курулушта объекттин коопсуздугун, ыңгайлуулугун жана жагымдуу архитектурасын камсыз кылуу үчүн заманбап технологиялар колдонулат.

Салтанатка министрлер кабинетинин төрагасы Адылбек Касымалиев катышты.

Касымалиев Бишкек таза абасы, кең көчөлөрү, спорт комплекстери жана маданий жайлары бар заманбап, экологиялык жактан таза жана жашоого ыңгайлуу шаарга айланарына ишенимин билдирди.