Бүгүн, 1-июлда “Улуу көчмөндөрдүн мурасы” Улуттук холдинг компаниясынын президенти Тенгиз Бөлтүрүк Кыргыз Республикасынын Өзгөчө кырдаалдар министрлигинин “Аскердик жарандык кызматташтыгын чыңдаганы үчүн” медалы менен сыйланды. Бул тууралуу аталган министрликтин басма сөз кызматы билдирди.

Медалды Өзгөчө кырдаалдар министри Бообек Ажыкеев өзү тапшырды. Ал «Кумтөр» компаниясы тарабынан өзгөчө кырдаалдарда калкты жана аймактарды коргоо жана Кыргыз Рес‎публикасынын ӨКМге коюлган максаттарды жана милдеттерди ишке ашырууда көрсөткөн жардамы үчүн Тенгиз Бөлтүрүккө ыраазычылык билдирди.

Теңиз Бөлтүрүк белгилегендей, «Кумтөр» мындан ары «адамдарды куткаруу максатында Өзгөчө кырдаалдар министрлиги менен кызматташууну күчөтүүнү» пландап жатат.