8-ноябрда Жалал-Абаддын 28 жаштагы тургуну Т.Х.Х. кармалды. Бул тууралуу УКМК билдирди.
Маалыматка караганда, ал 2015-жылдын аягында Сириядагы куралдуу кагылышууга катышкан. Т.Х.Х. Москвада иштеп жүрүп, “Катиба аль-Таухид валь-жихад” эл аралык террордук уюмунун мүчөлөрү тарабынан жалданып, атайын диверсиялык-террористтик даярдыктан өтүп, Сириянын өкмөтүнө каршы согушка тартылат.
Ага каршы Кылмыш-жаза кодексинин 256-беренесинин 1-бөлүгү (“Кыргыз Республикасынын жаранынын чет мамлекеттин аймагындагы куралдуу жаңжалдарга же согуш аракеттерине катышуусу же террордук актыны жасоо үчүн даярдыктан өтүүсү”) боюнча иш козголуп, тергөө иштери башталды.
Биздин Телеграм каналга катталыңыз
