Жаратылыш ресурстары министрлигинин Экологиялык жана техникалык көзөмөл кызматынын инспекторлору Токтогул суу сактагычынын акваториясын тазалоо боюнча кезектеги рейд өткөрүштү. Патрулдук кароо учурунда экологдор суудан мыйзамсыз коюлган 500 метрге жакын синтетикалык торду таап, алып чыгышты.

Ведомстводон белгилешкендей, жыл башынан бери суу сактагычта мыйзамсыз балык уулоого каршы масштабдуу иштер жүргүзүлүүдө: бул аралыкта суу сактагычтан 40 миң метрден ашык браконьердик балык уулоочу шаймандар чыгарылып, жок кылынган.

Экологдор сууга ташталган синтетикалык торлор биологиялык ар түрдүүлүккө олуттуу зыян келтирерин эскертишет — аларга балыктар жана башка суу жандыктары массалык түрдө чырмалып өлүп, органиканын чиришине жана бүтүндөй суу экосистемасынын булганышына алып келет.