Кыргызстандын тоо-кен тармагындагы ишканалар 2026-жылдын январь–июнь айларында бюджетке 46,5 млрд сом салык жана башка төлөмдөрдү которду. Бул өткөн жылдын ушул эле мезгилине салыштырмалуу 18,2 млрд сомго көп.

Бул маалымат Жаратылыш ресурстары, экология жана техникалык көзөмөл министрлигинин биринчи жарым жылдыктын жыйынтыгы чыгарылган коллегиясында айтылды.

Мындан тышкары, алты айдын ичинде лицензияларды кармап туруу үчүн алынуучу жыйымдардан түшкөн каражат 461,1 млн сомду түздү. Бул жылдык пландын 122,85 пайызга аткарылганын билдирет.

2026-жылга бекитилген план 375 млн сом болгон. Натыйжада түшкөн каражат жылдык пландан 85,7 млн сомго ашты.