Бүгүн, 12-сентябрда Кыргызстандын аймагында аба-ырайынын кескин өзгөрүлүшү күтүлөт. Бул тууралуу ӨКМдин басма сөз кызматы билдирди.

Маалыматка караганда, көпчүлүк аймактарда мезгил-мезгили менен жаан, бийик тоолуу райондордо кар жаашы, айрым жерлерде жаан-чачын катуу жаашы күтүлөт.

Абанын температурасы кескин төмөндөп: 12-13-сентябрларда Ысык-Көл ойдуңунда түнкүсүн 4…9 градус, күндүз 18…23 градус, Нарын облусунун дыйканчылык аймактарында түнкүсүн 2…7градус, күндүз 17…22 градуска чейин болушу күтүлөт.

Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетиши күтүлөт.

Мындай туруксуз аба-ырайы автоунаа, энергетика жана коммуналдык кызматтардын ишин жана жайыттарда малды кармоону кыйындатат.

Бардык жаңылыктар Телеграм каналда