«Манас» эл аралык аэропортундагы коюу тумандан улам өлкөгө келе турган жана сыртка учу турган каттамдар кармалып жатканын аба майдандын маалымат кызматы кабарлады.
Билдирүүдө учак көтөрүлүшү үчүн 300 метр аралык көрүнүшү керектиги, бирок учурда 175 метрден алыс жер көрүнбөй жатканы айтылат.
Мындан улам Москва менен Ош шаарларын келчү каттамдар кармалып тургандыгы жана Бишкектен Стамбулга бара турган учак уча албай жаткандыгы кабарланды.
«Манас» аэропорту жарандардан каттамдардын кармалышына түшүнүү менен мамиле жасоону өтүнөт.
Жүргүнчүлөр каттамдар боюнча (0312) 69-31-09 номерине байланышып, маалымат алса болот.
