Түркияда 31 кыргыз жараны түрмөдө олтурат. Бул тууралуу Жогорку Кеңештинин эл аралык иштер комитетинин жыйынында элчи Руслан Казакбаев билдирди.

Анын айтымында, 13 киши соттолуп, жаза мөөнөтүн өтөөдө. Калган кыргызстандыктар сот өкүмүн күтүүдө.

Элчилик тарабынан 2023-жылы 6 “Жүк 200” жөнөтүлдү.

Түркияда 20 миң кыргыз жараны жашайт, жай айларында алардын саны 40 миңгей жетет.

“Туристтик сезон 7 айга созулат. Ал эми кыргызстандыктар 90 күн гана визасыз жүрө баштайт. Буга байланыштуу виза мөөнөтүн 6 айга улантуу боюнча сүйлөшүү жүрүүдө”, – дейт Руслан Казакбаев.

Биздин Телеграм каналга катталыңыз