Эркин күрөш боюнча кыргызтандык балбандар Иорданияда өтө турган 23 жашка чейинки (U-23) спортчулар арасындагы Азия чемпионатына катышат. Бул тууралуу Дене тарбия жана спорт департаментинен билдиришти.
Азия чемпионаты 27-30-июнда Амман шаарында өтөт. Ага өлкө атынан эркин күрөш боюнча 8 балбан катышат.
Эркин күрөш боюнча курама команда:
- Абдымалик Карачев (57 кг);
- Юхан Доктурбек уулу (61 кг);
- Канатбек Керимбеков (70 кг);
- Орозобек Токтомамбетов (74 кг);
- Мухаммад Абдуллаев (79 кг);
- Бекзат Рахимов (86 кг);
- Стамбул Жаныбек уулу (92 кг);
- Бекзат Теңдиков (97 кг).
