Үстүбүздөгү жылдын январь–март айларында Кыргызстандан чет өлкөлөргө 152,8 тонна бал экспорттолду. Бул өткөн жылдын ушул эле мезгилине салыштырмалуу дээрлик эки эсеге (78 тоннага) көп.

Айыл чарба министрлигинин маалыматында, экспорттун жалпы көлөмү 37,3 млн сомду же 426,6 миң долларды түзгөн. Балдын эң көп көлөмдөгү экспорту Өзбекстанга жөнөтүлгөн.

Мекеме кыргыз балынын экологиялык тазалыгы тышкы рынокто суроо-талаптын өсүшүнө өбөлгө болуп жатканын белгиледи. Ошондой эле бал өндүрүүчүлөрдү колдоо, сапат стандарттарын өркүндөтүү жана жаңы рынокторду издөө багытындагы иштер улантыларын билдирди.