.svg){kind=logo}
Шакира 18-октябрда Бишкекте концерт берет — билеттер 1-октябрда сатыла баштайт«Бишкекгаз» Ленинское айылында 30-сентябрдан 2-октябрга чейин газ берүүнү токтототКыргызстанда санариптик далилдерди мыйзамдаштырып, виртуалдык активдерге камак салуу сунушталуудаБишкекте үй-тиричилик товарларын жана техникаларын чыгарган өндүрүштүк аянтча ачылдыКыргызстанда кайсы өсүмдүктөрдү жыйноого, колдонууга жана сатууга болбойтБишкектеги Г. Айтиев атындагы музейде байыркы кол жазмалар тууралуу лекция өтөт
UIM F1H2O: Ысык-Көлдө Роналду, Жеки Чан жана Ван Дамм күтүлүүдө
30.07.2026 | 11:08
Суу-мотордук спорт боюнча UIM F1H2O дүйнө чемпионатынын этабынын уюштуруучулары бир катар дүйнөлүк атактууларга, анын ичинде Криштиану Роналду, Жеки Чан жана Жан-Клод Ван Даммга чакыруу жөнөтүштү. Бул тууралуу бүгүн маалымат жыйынынын жүрүшүндө Кыргызстандын Суу-мотордук спорт федерациясынын президенти Айбек Абылкасымов билдирди.
Анын айтымында, уюштуруучулар футболчу Криштиану Роналдуга, актёр Жеки Чанга жана актёр Жан-Клод Ван Даммга расмий чакыруу жөнөтүшкөн.
«Биз Жан-Клод Ван Даммга да, Жеки Чанга да чакыруу жөнөттүк, билдирүүлөр бир эмес, бир нече жолу жиберилди. Сүйлөшүүлөр жүрүп жатат. Эгер графиктеринин тыгыздыгына байланыштуу бул ирет аларды Ысык-Көлдө көрүүгө мүмкүн болбой калса, анда кийинки этапка алар сөзсүз келишет», — деп билдирди Абылкасымов.
Учурда Ысык-Көлдүн жээгинде суу-мотордук спорт боюнча UIM F1H2O Кыргызстандын Гран-приси өтүп жатат. Бул — Борбордук Азиянын тарыхында спорттун ушул түрү боюнча дүйнө чемпионатынын биринчи этабы.
