“Старый Толчок”  –  “Евразия” базарынын («Эл Гранд» ЖЧКсы) 1,14 гектар жери жана жалпы аянты 3 миң чарчы метрден ашкан соода жайлары мамлекетке кайтарылды. Бул тууралуу УКМКдан билдиришти.

Маалым болгондой, кезинде Айыл чарба министрлигине караштуу 2,2 гектар жер “Шар-Чебер” жеке кооперативине мыйзамсыз өтүп кетип, андан кийин менчиктештирилген. Ошол эле учурда Айыл чарба министрлигинде иштеген айрым кызматкерлердин аталган кооператив менен байланышы болгон.

Иликтөө иштеринин натыйжасында «Евразия» базарынын 1,14 га жери тилкеси жана жалпы аянты 3 миң чарчы метрден ашкан соода жайлары мамлекетке кайтарылган.