Таласта баасы 845 млн 849,5 миң сом болгон, «Э.А.Х» ЖЧКсы айдоочулар мектебине таандык болгон 5,5 гектар жер мэрияга кайтарылды. Бул тууралуу УКМКдан кабарлашты.

Атайын кызмат бидиргендей, аталган жер Жогорку Кеңештин мурдагы депутаты Равшан Жээнбековдун тааныш-билиштерине берилип кеткен.

“Тактап айтканда, Талас шаарынын мэриясынын кызмат адамдары “А.Т.” автотранспорт ишканасы акционердик коомунун администрациясы менен сүйлөшүп алып, кызматтык абалынан кыянаттык менен пайдаланып, “Э.А.Х” ЖЧКсына жеке менчик укугу жөнүндө мамлекеттик актыны мыйзамсыз каттап беришкен”, – деп айтылат маалыматта.