Улуттук энергохолдинг компаниясында бюджеттик чыгымдар 27 пайызга кыскарды. Бул тууралуу маалымат жыйында мамлекеттик компаниянын төрагасы Айтмамат Назаров билдирди.

“Мен команияга жетекчи болуп келген соң чыгымдарды кыскартуу боюнча чечим кабыл алдым. Жыйынтыгында 2 миллиард 35 миллион сом оптималдаштырылды. Бул менен жетекчи болуп келгендеги алгачкы  жетишкендигим. Андан соң биз 2 миң кызматкерди кыскартуу боюнча чечим кабыл алдык. Бизде жылына өз ыктыяры менен 1 миң 600 адам жумуштан кетет. Бошогон орундарга жаңы кадр албайбыз, айлык акыларын калган кызматкерлерге бөлүп беребиз”, – деди ал.