Бишкек шаарындагы Г. Айтиев атындагы Кыргыз улуттук көркөм сүрөт искусство музейинде салттуу өнөр, кол өнөрчүлүк жана китеп искусствосу боюнча күзгү мастер-класстар жана лекциялар сериясы башталат.

Маданият министрлигинин маалыматында, иш-чаралар Кыргызстан менен Кореянын маданий мурасты жайылтуу жана санариптештирүү боюнча 2023–2026-жылдарга карата биргелешкен долбоорунун алкагында уюштурулуп жатат.

Иш-чаралардын графиги:

• 10 жана 19-сентябрь: Саат 11:00дө кийизге сайма салуу, саат 14:00дө курак техникасы боюнча мастер-класстар өтөт. Нускамачы — Чолпон Демут-Осмоналиева.
• 12-сентябрь: Диатипия техникасы боюнча мастер-класс. Нускамачы — Мунара Абдукахарова.
• 17-сентябрь: Каллиграфия боюнча мастер-класс. Нускамачы — София Харитонова.
• 26-сентябрь: Саат 13:00дө «Байыркы дүйнөнүн кол жазмасы» темасында лекция өткөрүлөт. Лектор — София Харитонова.

Мастер-класстар музейдин биринчи кабатындагы залда өткөрүлөт. Катышуу акысы — 300 сом. Орундар чектелүү (10 адам) болгондуктан, алдын ала катталуу талап кылынат. Катталуу үчүн музейдин социалдык тармактагы баракчасына аты-жөнүн, телефон номерин жана тандалган күндү жөнөтүү зарыл. Билеттер музейдин кассасында сатылат.