Унаанын ичинде 17 жаштагы кыз зордукталды

Унаанын ичинде 17 жаштагы кыз зордукталды

Бишкекте 17 жаштагы кыз унаанын ичинде зордукталган. Зордуктоого шектелип 26 жаштагы жигит кармалды. Бул окуя 27-август күнү катталганын Октябрь РИИБинин басма сөз кызматынан маалымдашты.

Маалыматка ылайык, 28-август күнү Октябрь райондук милиция бөлүмүнө шаар тургуну арыз менен кайрылган. Анда А. аттуу эркек киши болжол менен саат 23:00 чамасында Алтын-Ордо жаңы конушунда унаанын ичинде күч колдонуп 2003-жылы туулган кызды зордуктаганы жазылган. Кийин айдоочу кызды үйүнө таштап, из жашырып кеткени айтылган.

Аталган окуя Кылмыштардын жана жоруктардын бирдиктүү реестрине катталып, сотко чейинки өндүрүшкө алынган.

Шектүү катары 1995-жылы туулган С.А. аттуу жаран кармалган. Шектүү СИЗО-1ге камакка киргизилген.

Учурда териштирүү иштери жүрүүдө.

Поделиться в социальных сетях:

Тема боюнча жаңылыктар

Бардык жаңылыктар >>