Венгрия Кыргызстанга Stipendium Hungaricum программасынын алкагында окуу үчүн 200 орундук квота бөлдү. Бул тууралуу Кыргызстандын президенти Садыр Жапаров Будапештте билдирди.
«Биз бул багыттагы кызматташтыкты мындан ары да бекемдөөгө даярбыз», — деди ал.
Ошондой эле, президенттин айтымында, ушул күндөрү Будапештте эки өлкөнүн алдыңкы жогорку окуу жайларынын катышуусунда ректорлордун биринчи кыргыз-венгр конференциясы өтүүдө.
«Бул конференция университеттердин тыгыз кызматташуусуна жакшы негиз түзөт деп ишенем», — деди ал.
Stipendium Hungaricum – бул Венгриянын университетинде билим алуу үчүн Венгриянын өкмөтүнүн стипендиялык программасы.
Талапкерлер ай сайын стипендия, медициналык камсыздандыруусу, жатакана же ижарага жашаган алуу мүмкүнчүлүгүнө ээ болот.
Биздин Телеграм каналга катталыңыз
