Муфтияттын фатва бөлүмүнүн мурдагы башчысы Бактияр Токтогазиев Reporter.kg’нин калың менен махрдын кандай айырмасы бар деген суроосуна жооп берди.
Токтогазиевдин пикири боюнча, махр менен калыңдын айырмасы жок. Анын айтымында, кээ бир аймактарда имамдар экөөнү эки бөлүп карайт. Бирок калың берилип жаткандан кийин махрды суроонун кереги жок деп эсептейт. Ошол эле учурда үйлөнүп жатканда жигит кызга акча же кандайдыр мүлктү сөзсүз бериши зарыл.
«Калың берилип жатат да, ошол махр деп эсептелиши керек. Берилген нерсени, жок ал берген жок деп кайра сураган туура болбой калат», — дейт ал.
Ал бири кыргыз салтында, экинчиси — шариятта айтылганын, экөөнүн тең маңызы аялдын материалдык укугун коргоого багытталганын белгилейт.
Биздин Телеграм каналга катталыңыз
