2025-жылдын 10–15-июнунда Кыргызстанда Япониянын Туристтик агенттиктер ассоциациясынын (JATA) өкүлдөрү жана алдыңкы япониялык туроператорлор үчүн таанышуу туру өтүүдө.

Иш-чара Кыргызстандын туристтик мүмкүнчүлүктөрүн таанытуу жана кыргыз-япон туризм кызматташтыгын өнүктүрүү максатында уюштурулду. Бул иш сапар Кыргыз Республикасынын Президентинин 2023-жылы Японияга болгон расмий сапары учурунда жетишилген макулдашуулардын алкагында ишке ашууда.

Таанышуу турунун алкагында делегация Бишкек жана Ысык-Көл аймактарындагы туристтик объекттерге барып, кыргыз туроператорлору менен B2B жолугушууларды өткөрөт. Мындай аракеттер Япониядан келген туристтердин санын көбөйтүүгө жана эки өлкө ортосундагы ишкер байланышты чыңдоого багытталган.