Таласта көк бөрү боюнча «Жеңиш кубогу — 2026» масштабдуу республикалык турнири жыйынтыкталды. Мелдештер өлкөнүн эң күчтүү командаларын чогултуп, жергиликтүү команданын өз үйүндөгү жеңиши менен аяктады.

Башкы кубок үчүн болгон финалдык беттеште «Ынтымак» жана «Намыс» кездешти. Оюн 4:2 эсебинде «Ынтымактын» пайдасына аяктады. Үчүнчү орунду «Сары-Өзөндү» 4:1 эсебинде жеңген «Достук» командасы алды. Ошондой эле турнирдин алкагында эл аралык жолдоштук беттеш өттү: Таластын жаштар курамасы Казакстандын Шымкент шаарынан келген теңтуштарын 10:2 эсебинде талкалады.

Жеңүүчүлөр ири өлчөмдөгү байге фондун бөлүшүштү. Биринчи орун үчүн «Ынтымак» 1,5 миллион сом, күмүш байге ээси «Намыс» — 1 миллион сом, ал эми коло медаль ээси «Достук» — 500 миң сом алды.