Ысык-Көл районундагы сел Чолпон-Ата шаарынын Тогуз –Булак тилкесинде 4 турак үйдү кааптады. Бул тууралуу ӨКМ билдирди.

Ал эми Бактуу-Долоноту айылындагы Бактуу-Долоноту суусунун деңгээли көтөрүлүп, нугунан чыгып, натыйжада 9 турак үйдү сел суулары каптаган.

Ошондой эле Булан-Соготу айылында 1, Бостери айылында 3 турак үйгө суулар кирип, “Кооператив строитель”  Бостери дачасына бара турган жолдогу ички чарбалык жолду жана көпүрөнү суу агызып кеткен.

Жалпысынан болжол менен 16 турак үйдү суу каптап , 1 ички чарбалык көпүрөнү  агызган. Жеринде ӨКМден 27 куткаруучу жана шаардык Жарандык коргонуу кызматынын күч-каражаттары жеринде иштөөдө жана тактоо иштерин жүргүзүүдө.