Жайкы туристтик мезгилде жүргүнчүлөр агымынын өсүшүнө байланыштуу кыргыз-казак чек арасындагы «Каркыра-автожол» өткөрүү пункту кадимки убакытка караганда узагыраак иштейт.

2026-жылдын 21-июлунан 31-августуна чейин өткөрүү пункту күн сайын Бишкек убактысы боюнча саат 08:00дөн 21:00гө чейин иштейт. Бул чечим кыргыз жана казак тараптардын биргелешкен ишинин жыйынтыгы боюнча кабыл алынды.

«Каркыра-автожол» өткөрүү пункту Ысык-Көл облусунун Түп районунда жайгашкан жана мамлекеттик чек ара аркылуу адамдарды жана транспорт каражаттарын өткөрүүгө арналган.