Жалал-Абад облусунда суурулардын санын эсептөө иштери аяктады. Анын жыйынтыгында адистер жалпы 32 327 сууруну катташканын Жаратылыш ресурстары, экология жана техникалык көзөмөл министрлигинин басма сөз кызматы билдирди.

Министрликтин маалыматына ылайык, алардын ичинен 19 157си — кызыл суурулар, ал эми 13 170и — Мензбир суурулары.

Эсепке алуу иштери Жаратылыш ресурстары, экология жана техникалык көзөмөл министрлиги тарабынан бекитилген жапайы жаныбарлардын санын эсепке алуу боюнча нускамага ылайык жүргүзүлдү.