Ысык-Көл облусунун пансионаттарындагы пландан тышкары текшерүүлөр жаратылышты коргоо мыйзамдарын бузган 54 учурду аныктады. Салынган айып пулдардын жалпы суммасы 767 миң сомду түздү.

Жаратылыш ресурстары, экология жана техникалык көзөмөл министрлиги билдиргендей, текшерүүлөрдү Экологиялык жана техникалык көзөмөл кызматынын адистери Бишкек экологиялык прокуратурасы менен биргеликте жүргүзүшкөн.

Рейддердин жыйынтыгында мыйзам бузуучуларга 54 административдик протокол түзүлүп, аныкталган кемчиликтерди жоюу боюнча милдеттүү көрсөтмөлөр берилди.

Министрликтен ошондой эле Экономика министрлигинин макулдугун алгандан кийин Ысык-Көл облусундагы башка эс алуу объекттеринде да ушундай эле пландан тышкары текшерүүлөр жүргүзүлөрүн кошумчалашты.