Жалал-Абад мэриясынын колдоосу менен экотакси кызматы иштей баштады.

Долбоордун алкагында, 30 электр унаасы сатып алынып, 10 электр кубаттагыч жабдуусу орнотулду.

Белгиленгендей, кубаттоочу жайлар үчүн мэрия муниципалдык жер тилке бөлүп берген.

Ачылыш аземине шаар мэринин биринчи орун басары Кубанычбек Иманалиев катышып, мындай демилгелер экологиялык маселелерди чечүүгө жана шаардыктарга ыңгайлуу шарт түзүүгө багытталганын белгиледи.

Экотакси кызматынын ишке кириши менен шаар тургундары таза аба жана үнөмдүү транспорттук кызмат алууга мүмкүнчүлүк алышат.