Жалал-Абад облусунда дайынсыз жоголгон жарандын сөөгү табылды. Бул тууралуу ӨКМдин басма сөз кызматы билдирди.

Маалыматка караганда, Чаткал районунун Каныш-Кыя айыл өкмөтүнүн Кайың-Суу айылынын 1971-жылы туулган жараны М.К. бир күндөн бери дайынсыз болуп жатканы боюнча саат 08:42де билдирүү түшкөн.

Издөө иштерине Чаткал райондук Өзгөчө кырдаалдар бөлүмүнүн №81 Өрткө каршы куткаруу бөлүгүнүн атайын ыкчам автоунаасы менен 12 куткаруучу жерине саат 09:00дө тартылган.

Ыкчам издөө иштеринин натыйжасында аталган жарандын жансыз денесин саат 09:30да Чаткал дарыясынын Кайың-Суу тилкесинен табылып, РИИБ кызматкерлерине өткөрүлүп берилди.

Биздин Телеграм каналга катталыңыз