Жалал-Абад шаарында Эгемендүүлүк күнүнө арналган майрамдык иш-чара өтүп, конокторго өлкөнүн калыптанышы тууралуу даректүү тасма жана “Келечектеги Кыргызстан” аттуу театрлаштырылган көрсөтүү тартууланды.

Президент Садыр Жапаров куттуктоо сөзүн сүйлөп, элге кайрылуу жасады. Салтанат эстрада ырчыларынын концерттик программасы менен жыйынтыкталды.

Эскерте кетсек, бүгүн Бишкекте Эгемендүүлүктүн 34 жылдыгына арналган майрамдык концерт өтөт.