Мурда өлкөдө 2-3 башкаруу борбору түзүлгөн. Бул тууралуу министлер кабинетинин төрагасы Акылбек Жапаров президенттик администрациясынын жыйынында билдирди.
Ал өкмөт, президенттин администрациясынан сырткары, үй-бүлөсү жана жакындары дагы өзүнчө бийлик органы катары башкарууга кийлигишип келгенин айтты.
«Эч ким чечим кайсы жерде кабыл алынып жатканын түшүнө алчу эмес. Садыр Жапаров чечкиндүүлүк менен аларды жоюп, президенттин администрациясына бириктирди. Бул ашыкча бюрократияны дагы жойду», — деди Акылбек Жапаров.
Министрлер кабинетинин төрагасы жетекчилерди так жана 100 пайыз натыйжалуу иштөөгө чакырды.
«Сиздердин чечимдер хирургиялык бычак сыяктуу так болушу керек. Алсыз жана өзүнө ишенбегендерге биздин арабызда орун жок», — деди ал.
