Жаратылыш ресурстары, экология жана техникалык көзөмөл министрлигинин Чүй аймактык башкармалыгынын кызматкерлери тарабынан ишкерлерден пара талап кылуу фактысы аныкталды. Бул тууралуу УКМК билдирди.

Атайын кызматтын маалыматында, 13-майда экологиялык экспертизанын оң корутундусун берүү үчүн ири өлчөмдөгү пара алып жаткан учурда аталган башкармалыктын кызмат адамдары 61 жаштагы О.М.К. жана 34 жаштагы Д.О.М. кармалды.

Бул факт боюнча Кылмыш-жаза кодексинин «Пара талап кылуу» беренеси менен кылмыш иши козголду. Кармалган О.М.К. УКМКнын убактылуу кармоочу жайына киргизилди. Ал эми Д.О.М. өлкөдөн чыкпоо жөнүндө тилкаттын негизинде бошотулду. Учурда тергөө иштери уланууда.