Балалык курактын узактыгы жана корголушу боюнча дүйнө рейтингинде Кыргызстан 180 өлкөнүн ичинен 96-орунду ээледи.
Өлкөнүн индекси мүмкүн болгон 1000дин 844түн алды. Индекс 1000ге канчалык жакын болсо, балдарды коргоонун деңгээли ошончолук жогору болот, 1ге жакын болсо, анда өлкө ошончолук балдар үчүн кооптуу деп эсептелет.
Кыргызстан КМШ өлкөлөрүнун ичинен Белорусь, Орусия, Казакстан, Армения, Өзбекстан, Түркмөнстандан артта калган.
Балдар үчүн мыкты өлкөлөр деп Сингапур, Словения табылды, ал эми үчүнчү орунга Финляндия менен Швеция жайгашкан. Эң начар өлкөлөр — Нигерия, Борбордук Африка Республикасы жана Чад экени айтылат. Индекс саламаттыкты сактоо, билим берүү жана жалпысынан эле балдардын коопсуздугунун көрсөткүчтөрү менен эсептелет.
