Бишкекте жол оңдоо иштери уланууда. Ага ылайык, Жаш Гвардия бульварынын Бөкөнбаев көчөсүнөн тартып Жибек-Жолу проспектисине чейинки бөлүгүндө реконтсрукция иштери 25-мартта башталган. Оңдоо иштерин 25-июлуна чейин бүтүрүү пландалган.

Учурда бульвардын чыгыш тарабындагы жол тилкесинде курулуш иштери кызуу жүрүп жатат. Анда – бордюрлар орнотулуп, асфальт басууга даярдалууда.

Эскерте кетсек, буга чейин Жаш Гвардия бульварынын батыш бөлүгүндөгү жол иштери толугу менен аяктап, жол ачылган.