2025-жылдын үчүнчү кварталында Кыргызстанда жашоо минимуму киши башына орточо 8 758 сом болду. Бул тууралуу Улуттук статистикалык комитет билдирди.

Маалыматка ылайык, бул көрсөткүч өткөн жылдын ушул мезгилине салыштырмалуу 11%га жогорулаган.

Жашоо минимумунун түзүлүшү төмөнкүдөй:

• Тамак-аш чыгымдары — 65%,
• Тамак-аш эмес товарлар — 16%,
• Кызмат көрсөтүүлөр — 17%,
• Салыктар — 2%.

Азык-түлүк себетинин энергетикалык баалуулугу 2101 ккал, анын курамында орто эсеп менен 73 грамм белок жана 71 грамм май бар.

Социалдык-демографиялык топтор боюнча жашоо минимуму:

• Эмгекке жарамдуу калк — 9 818 сом,
• Пенсионерлер — 7 760 сом,
• Балдар — 7 413 сом.

Эмгекке жарамдуу калк ичинде эркектер үчүн жашоо минимуму 10 063 сом, ал эми аялдар үчүн 9 766 сом болуп эсептелет.