Кыргызстандык окуучулар жана студенттер финансылык коопсуздук боюнча V Эл аралык олимпиада байгелүү орундарды ээлешти. Бул тууралуу Агартуу министрлиги билдирди.

Олимпиада 29-сентябрдан 3-октябрга чейин Орусиянын Красноярск шаарында өткөн. Ага 40 өлкөдөн 600дөн ашуун катышуучу келген.

Кыргызстандан Мамлекеттик башкаруу академиясынын, КУУнун, КМТУнун, БМУнун, КРСУнун, КЭУнун студенттери, ошондой эле төрт мектеп окуучусу катышкан.

Олимпиаданын жыйынтыгында кыргызстандык катышуучулар үч номинация боюнча байгелүү орундарды ээлешкен:

• Эл аралык мамилелер – Азим Жумаков;
• Экономикалык коопсуздук – Алиса Семенова;
• Маалыматтык коопсуздук – Дмитрий Кошевой.

Мындан тышкары, Бишкек шаарындагы №1 мектептин окуучусу Руслан Байсалов КМШ өлкөлөрүнүн арасынан биринчи орунду ээлеген.