Жазаларды аткаруу кызматына 35 млн сомдук атайын техникалар тапшырылды. Бул тууралуу аталган кызматтан билдиришти.
Бүгүн, 12-августта Жазык-аткаруу тутумунун кызматкерлеринин күнүнө карата Кайтаруу жана күзөтүү департаментинин борбордук аппаратында салтанаттуу иш-чара болуп өткөн.
Анда министрлер кабинетинин төрагасынын орун басары – УКМКнын төрагасы Камчыбек Ташиев куттуктоо сөзүн сүйлөп, аталган кызматтын коомдук коопсуздукту камсыздоодогу салымын белгилеп, мамлекет аларга жакшы жумуш шарттарды түзүп берерин белгилеген.
Иш-чарада Жазаларды аткаруу кызматына 35 млн сомдук атайын техникалар тапшырылган. Аны менен бирге мекеменин кызматкерлери жаңы аскердик наам жана ардак грамоталар менен сыйланган.
Бардык жаңылыктар Телеграм каналда
