Жогорку Кеңештин депутаты Кундузбек Сулайманов парламент аппаратынын депутаттардын ысымдарын ката жазып жатканын айтып, сынга алды.
“Жогорку Кеңештин аппаратынын жоопкерчилигин карап койбосок болбойт. Кайсы жерде болбосун ката жазып, фамилиябызды ката жазып жатышат. Бул эмне деген эми? Муну бардыгы стенограммага жазылып атат да… Ошол үчүн аппараттын жоопкерчилигин карап коёлучу?!”- деди.
Сулаймановдун алдында эле дагы бир депутат Арсланбек Малиев өзүнүн аты-жөнүн туура эмес жазып койгонун айтып, оңдоп коюуусун өтүнгөн. “Менин атым дагы, атамдын аты дагы туура эмес жазылып калыптыр “Арстанбек Каныбекович” болуп…”- деп маселени көтөрүп чыккан.
