ИИМдин Жол кыймылынын коопсуздугун камсыздоо башкы башкармалыгы аба ырайынын кескин начарлашына байланыштуу айдоочуларга жана жөө жүргүнчүлөргө эскертүү берди.

Азыркы тапта өлкө боюнча аба ырайы туруксуз болууда. Айрым аймактарда жамгыр жаап, кар жаап жатат, жолдор тайгак, туман жана катуу шамал болууда. Мунун баары жолдогу коопсуздукту кыйла төмөндөтөт.

Айдоочуларга сунушталат:

• унаанын техникалык абалын текшерүү, өзгөчө тормоздорду, жарык берүүчү түзүлүштөрдү, айнек тазалагычтарды, дөңгөлөктөрдү жана айнек жуугуч суюктуктун деңгээлин текшерүү керек;
• ылдамдыкты азайтып, аны аба ырайына жараша тууралоо;
• алдыдагы унаадан коопсуз аралыкты сактоо;
• кескин бурулуулардан алыс болуу, айрыкча жол тайгак жана көрүнүш чектелүү учурда;
• жолдогу башка айдоочуларга өз убагында жол берүү.

Жөө жүргүнчүлөргө сунушталат:

• жолдон өтүп жаткан учурда сөзсүз түрдө эки тарапты кылдат кароо;
• түн ичинде же туман учурунда жолдо жакшыраак көрүнүү үчүн чагылдыргыч элементтери бар кийим кийүү.

ЖКККББ белгилегендей, жолдогу этият мамиле жана жоопкерчиликтүү жүрүм-турум адам өмүрүн жана ден соолукту сактап калууга жардам берет.