Жогорку Кеңештин депутаттары иш сапар менен Японияга барышты

Жогорку Кеңештин депутаттары иш сапар менен Японияга барышты

Жогорку Кеңештин депутаттары Акылбек Түмөнбаев, Талайбек Масабиров, Шаирбек Ташиев, Жусупбек Коргонбай уулу, Марлен Маматалиев жана Алишер Козуев Япония мамлекетинде иш сапары менен жүрөт. Бул тууралуу парламенттин басма сөз кызматы билдирди.

Маалыматка караганда, парламенттик делегация Кыргызстандын Япониядагы Атайын жана толук ыйгарым укуктуу элчиси Эркинбек Осоевдин коштоосунда бир катар жолушууларды өткөрүүдө.

Алгач депутаттар, Гэн Накатани баштаган “Кыргызстан-Япония” парламенттик достук лигасынын мүчөлөрү менен баарлашып, эки өлкө ортосундагы саясий-экономикалык, маданий-гуманитардык алакаларды арттыруу маселелерин талкуулашты. Ошондой эле жолугушууда парламенттер аралык байланышты чыңдоо тууралуу сөз болду.

Андан тышкары, эл өкүлдөрү Японияда эмгектенип жана окуп жүргөн кыргызстандыктар менен жолугушуп, көйгөйлөрүн угушту.

Муну менен катар жергиликтүү жетекчилер менен бирге экономикалык кызматташтыкты өнүктүрүү боюнча ой бөлүшүштү. Айрыкча, соода байланышын жакшыртуу жана инвестиция тартуу жаатындагы маселелерге өзгөчө көңүл бурулду.

Биздин Телеграм каналга катталыңыз
Рубрики: ЖАҢЫЛЫКТАР , КООМ

Поделиться в социальных сетях:

Тема боюнча жаңылыктар

Бардык жаңылыктар >>