.svg){kind=logo}
Кыргызстанда 500 мектепте шахмат ийримдери ачылып, керектүү жабдуулар жеткирилүүдөСадыр Жапаров поезд кырсыгына байланыштуу Испаниянын королу Фелипе VIга көңүл айттыУлуттук банк шылуундар жасалма сертификат колдонуп, алдамчылык кылып жатышканын эскертти«Түндүк» иштебей, күрөө катталбай жатат — мекемелердин жообуКыргызстанда деградацияга учураган жайыттарды калыбына келтирүү программасы иштелип чыктыБоом капчыгайында 2–6-ноябрда таш түшүрүү иштерине байланыштуу кыймыл чектелет
Жоламан Шаршенбеков Азия оюндарынын финалына чыкты
04.10.2023 | 11:11
Грек-рим күрөшү боюнча балбан Жоламан Шаршенбеков (60 кг) Кытайда өтүп жаткан Азия оюндарынын финалына чыкты.
Күрөш боюнча мелдештер бүгүн, 4-октябрда башталып, Шаршенбековдун биринчи беттеши 1/8 финалда болуп өттү.
Анын алгачкы атаандашы тажикстандык Асламжон Азизов болду. Беттештин биринчи бөлүгүндө тажикстандык балбан 5 упай алып, алдыга чыккан. Бирок экинчи бөлүктө Жоламан Шаршенбеов жалпы 8 упай алууга жетишип, жеңишти сууруп кетти.
Чейрек финалда Шаршенбеков түштүк кореялык Ханжаэ Чунду 9:0, андан кийин жарым финалда өзбекстандык Исломжон Бахрамовду 11:0 эсебинде жеңди.
Финалда Шаршенбеков япониялык Аята Сузуки менен беттешет.
Эскерте кетсек, буга чейин Акжол Махмудов Азия оюндарынын финалына чыккан.
Биздин Телеграм каналга катталыңыз
