Баткенде АКИpress агенттигинин 37 жаштагы журналисти Арзыгүл Галымбетова каза болду. Бул тууралуу анын кесиптештери журналисттин «Фейсбук» баракчасына билдиришти.
Белгилүү болгондой, Арзыгүлдүн жүрөгү токтоп калган. Мурунку түнү ооруп, түнү ооруканада каза болгон.
Арзыгүл Галымбетова чек арадагы окуяларды чагылдырып, Тажикстан менен чек арага жакын жердеги чыр-чатактарга көп каттап турган.
Reporter.kg сайтынын редакциясы кесиптешибиз Арзыгүл Галымбетованын жакындарына терең кайгыруу менен көңүл айтат.
