Жыл башынан бери Кыргызстанда 1300дөн ашык жол кырсыгы катталды. Бул тууралуу “Биринчи радионун” түз эфиринде Жол кыймылынын коопсуздугун камсыздоо башкы башкармалыгынын маалымат кызматынын башчысы Байгазы Айтикул уулу билдирди.

Анын айтымында, жол кырсыктардын айынан 2000ге жакын адам ар кандай жаракат алып, 110 киши көз жумган.

Ал былтыркы жылдын ушул мезгилине салыштырмалуу быйыл жол кырсыктары көбөйүп жатканын билдирди. Жол кырсыктарынын 91%ы айдоочулардын күнөөсү менен болууда.