Ош облусунун аймагында милициянын көчмө кабылдамасы жигердүү иш алып барууда. Бул тууралуу облустук милициядан билдиришти.
Облус аймагындагы Жаңы жылга карата жер-жерлерде орнотулган балатынын жанында милициянын көчмө кабылдамасы иштеп, коомдук тартипти кароодо.
«Милициянын көчмө кабылдамасы ар кандай укук бузулардын алдын алып, жарандарга спирт ичимдиктерин коомдук жайларда ичпөө, пиротехникалык заттарды колдонбоо, өрт коопсуздугун сактоо, жетелеп келген жаш балдарга кайдыгер болбоо боюнча түшүндүрүү иштерин жүргүзүшүүдө. Мындай иш-чара облус аймагындагы бардык райондордо Жаңы жыл майрамы бүткөнгө чейин уланат», — деп айтылат маалыматта.
