Кыргызгидрометтин маалыматына ылайык, 23-июлда өлкө аймагында туруксуз аба ырайы күтүлөт. Түнкүсүн Жалал-Абад облусунун көпчүлүк аймактарында, ошондой эле Чүй, Ош, Баткен, Ысык-Көл жана Нарын облустарынын айрым жерлеринде жамгыр жаап, күн күркүрөйт. Жалал-Абад облусунун айрым аймактарында жаан-чачын катуу жаашы мүмкүн. Талас облусунда түнкүсүн жаан-чачын күтүлбөйт.

Күндүз Чүй, Талас, Ош жана Баткен облустарынын көпчүлүк аймактарында, Ысык-Көл жана Нарын облустарынын айрым жерлеринде, ошондой эле Жалал-Абад облусунун тоо этектеринде жана тоолуу райондорунда жамгыр жаап, күн күркүрөйт. Чүй, Талас, Ош, Жалал-Абад жана Баткен облустарынын айрым жерлеринде жаан-чачын катуу жаашы мүмкүн. Жалал-Абад облусунун өрөөндүү аймактарында күндүз жаан-чачын күтүлбөйт.

Шамал батыштан секундасына 4–9 метр, күндүз айрым жерлерде 15–20 метрге чейин күчөйт.

Абанын температурасы:

• Чүй облусу: түнкүсүн +14…+19°, күндүз +27…+32°.
• Талас облусу: түнкүсүн +13…+18°, күндүз +25…+30°.
• Баткен облусу: түнкүсүн +17…+22°, күндүз +25…+30°.
• Ош жана Жалал-Абад облустары: түнкүсүн +17…+22°, күндүз +25…+30°.
• Ысык-Көл облусу: түнкүсүн +10…+15°, күндүз +23…+28°.
• Нарын облусу: түнкүсүн +7…+12°, күндүз +21…+26°.

Бишкек шаарында мезгил-мезгили менен жамгыр жаап, күн күркүрөйт. Шамал батыштан секундасына 4–9 метр. Абанын температурасы түнкүсүн +17…+19°, күндүз +29…+31°.

Чолпон-Ата шаарында да мезгил-мезгили менен жамгыр жаап, күн күркүрөйт. Шамал батыштан секундасына 4–9 метр. Абанын температурасы түнкүсүн +13…+15°, күндүз +24…+26°.