Кыргызгидромет билдиргендей, бүгүн, 7-июлда түнкүсүн Чүй облусунун тоолуу райондорунда өткүн өтүп, күн күркүрөшү күтүлөт. Ал эми Чүйдүн өрөөндөрүндө жана өлкөнүн калган аймактарында жаан-чачын күтүлбөйт.

Күндүз Чүй жана Ысык-Көл облустарынын басымдуу бөлүгүндө, ошондой эле Талас, Ош, Жалал-Абад, Баткен жана Нарын облустарынын айрым жерлеринде өткүн өтүп, күн күркүрөшү күтүлөт. Батыштан соккон шамалдын ылдамдыгы секундасына 4–9 метрге жетет.

Мекеменин маалыматы боюнча:
• Чүй облусунда түнкүсүн +16…+21°C, күндүз +31…+36°C;
• Талас облусунда түнкүсүн +13…+18°C, күндүз +27…+32°C;
• Ош облусунда түнкүсүн +18…+23°C, күндүз +31…+36°C;
• Жалал-Абад облусунда түнкүсүн +18…+23°C, күндүз +31…+36°C;
• Баткен облусунда түнкүсүн +18…+23°C, күндүз +31…+36°C;
• Ысык-Көл облусунда түнкүсүн +11…+16°C, күндүз +22…+27°C;
• Нарын облусунда түнкүсүн +8…+13°C, күндүз +23…+28°C болот.

Бишкекте түнкүсүн жаан-чачын күтүлбөйт, күндүз өткүн өтүп, күн күркүрөшү мүмкүн. Батыштан соккон шамалдын ылдамдыгы 4–9 м/с. Абанын температурасы түнкүсүн +18…+20°C, күндүз +32…+34°C болот.

Чолпон-Атада түнкүсүн жаан-чачын күтүлбөйт, күндүз өткүн өтүп, күн күркүрөшү күтүлөт. Батыштан соккон шамалдын ылдамдыгы 4–9 м/с. Абанын температурасы түнкүсүн +12…+14°C, күндүз +22…+24°C болот.