21-22-май күндөрү Кыргызстандын Министрлер кабинетинин төрагасы Адылбек Касымалиев Түркмөнстанга жумушчу сапар менен барат. Бул тууралуу өкмөттүн басма сөз кызматы билдирди.

Иш сапардын алкагында төрага Көз карандысыз мамлекеттер шериктештигинин (КМШ) Өкмөт башчыларынын кеңешинин кезектеги жыйынына катышат.

Ошондой эле Түркмөнстандын жетекчилиги менен жолугушууларды өткөрөт. Анда эки тараптуу жана көп тараптуу кызматташтыктын маселелери талкууланат.