Акыйкатчы Атыр Абдрахматова Ала-Бука районунда сексуалдык ыдыкка кабылган беш жашар кыздын окуясына байланыштуу тергөөчүнүн колундагы видео социалдык тармактарга тарап кеткенин билдирди.

«Азыр мага ыкчам маалымат келди, бул окуя боюнча тергөөчүнүн гана колунда турган видео соцтармактарга тарап кетиптир. Сураныч, бул видеону жаңылык кылбаңыздар, соцтармактарда таркатпаңыздар. Баланын укуктарын коргошубуз керек», — деди ал Фейсбуктагы баракчасында.

Буга чейин Ала-Бука районунда кичинекей кызга ыплас аракеттерди жасаган деп шектелген адам камакка алынганы маалымдалган.